ग्यास बुलेटको ठक्करबाट हेटाैँडामा दुईजनाको मृत्यु

२८ जेठ, हेटौडा । पुर्व पश्चिम राजमार्ग अन्तर्गत हेटौंडा-९ पशुपतिनगरमा ग्यास बुलेटको ठक्करबाट मोटरसाइकल चालक र सवार एक गरी दुई जनाको मृत्यु भएको छ।शनिबार साँझ बारा तर्फबाट हेटौंडा आउदै गरेको भारतीय एन एल ०१ एल २९७१ नम्बरको ग्यास बुलेटले विपरीत दिशाबाट आउदै गरेको ना ६१ प ४५९७ नम्बरको मोटरसाइकललाई ठक्कर दिदा मोटरसाइकलमा रहेका हेटौंडा-९ का ५५ बर्षीय इश्वर तामाङ्ग र २६ बर्षिया अमिना तामाङ्गको मृत्यु भएको हो। मृतक बाबु छोरी भएको बुझिएको छ। घटनामा घाइते दुवैको उपचारको क्रममा हेटौंडा अस्पतालमा मृत्यु भएको मकवानपुर प्रहरीले जनाएको छ । ठक्कर दिने बुलेट र चालक मकवानपुर प्रहरीको नियन्त्रणमा रहेको छ। उक्त बुलेटले अरु केही सवारीलाई पनि ठक्कर दिदै उक्त स्थानमा आएर मोटरसाइकललाई ठक्कर दिएको बुझिएको छ।