१२ जना चालकले लागूऔषध सेवन गरी सवारी साधन चलाए

१२ असार, हेटौँडा । लागूऔषध दुव्र्यसनी विरुद्धको अन्तर्राष्ट्रिय दिवसको अवसरमा जिल्ला ट्राफिक कार्यालय मकवानपुरले ९१ जना सवारी चालकको पिसाब जाँच गरेको छ ।
हेटौंडा अस्पतालका डाक्टर र जिल्ला जनस्वास्थ्य कार्यालयको प्राविधिक सहयोगमा गरिएको जाँचमा १२ जना चालकले लागुऔषध सेवन गरी सवारी साधन चलाएको पाइएको हो ।
लागूऔषध सेवन गरेर सवारी चलाउनेहरुमा यात्रुवाहक बस र म्याजिकका २ जना, ट्रकका ४ जना, टिपरका ३ जना, ट्र्याक्टर, मिनी ट्रक र पिकअप भ्यानका एक÷एक जना चालक रहेको जिल्ला जनस्वास्थ्य कार्यालय मकवानपुरका निरीक्षक मनिर आलम अन्सारीले जानकारी दिनुभयो ।
त्यसैगरी यात्रुवाहक सवारीका चालकले समेत लागूऔषध सेवन गरेर सवारी चलाएको पाइएको जिल्ला ट्राफिक कार्यालय मकवानपुरका प्रमुख प्रहरी निरीक्षक बच्चुराम फुयालले बताउनुभयो । लागूऔषध सेवन गरी सवारी चलाउँदा दुर्घटनाको जोखिम बढ्ने भएकाले यसलाई नियन्त्रण गर्न ट्राफिक प्रहरीले सचेतनात्मक अभियान थाल्ने बताइएको छ ।