अमेरिकी राष्ट्रपति बाइडेनद्वारा सर्वोच्च अदालत सुधार गर्ने योजनाको घोषणा

१५ श्रावण, एजेन्सी । अमेरिकी राष्ट्रपति जो बाइडेनले सर्वोच्च अदालत सुधार गर्ने योजनाको घोषणा गर्नुभएको छ ।
राष्ट्रपतिको शक्तिको दुरुपयोग रोक्न र राष्ट्रको सर्वोच्च अदालतमा विश्वास पुनःस्थापित गर्न मिलेर काम गर्न तत्पर रहेको उहाँले बताउनु भयो । उहाँले राष्ट्रपति, सर्वोच्च अदालत कोही पनि कानून भन्दा माथि नरहेको बताउनु भयो । सर्वप्रथम बाइडेनले संवैधानिक संशोधनको लागि आह्वान गर्नुभयो । जसले स्पष्ट पार्छ कि कुनै पनि राष्ट्रपति कानून भन्दा माथि छैन वा पदमा रहँदा गरिएका अपराधहरूको लागि अभियोजनबाट मुक्त छ । यो अदालतको जुलाई १ को निर्णयको प्रतिक्रियामा आएको हो । जसले राष्ट्रपतिहरूलाई पदमा रहँदा प्रदर्शन गरेको आधिकारिक कार्यहरूको लागि अभियोग चलाउन सकिँदैन । पूर्वराष्ट्रपति डोनाल्ड ट्रम्पको मुद्दासँग सम्बन्धित निर्णय हो ।
जसलाई संघीय ग्रान्ड जूरीद्वारा अभियोग लगाइएको थियो । दोस्रो, बाइडेनले यस्तो प्रणालीलाई समर्थन गर्नुभएको छ, जसमा राष्ट्रपतिले सर्वोच्च अदालतमा सक्रिय सेवामा १८ वर्ष बिताउन प्रत्येक दुई वर्षमा न्यायाधीश नियुक्त गर्नेछन् ।
हाल सर्वोच्च अदालतका न्यायाधीशहरूले अदालतमा आजीवन नियुक्ति सेवा गर्छन् । आफ्नो कार्यकालमा ट्रम्पले तीन रूढिवादी न्यायाधिशलाई मनोनयन गर्नुभएको थियो । हालैका वर्षहरूमा, सर्वोच्च अदालतले मौलिक अधिकारहरूको संरक्षण गर्ने लामो समयदेखि स्थापित कानूनी उदाहरणहरूलाई उल्टाएको छ । यो अदालतले नागरिक अधिकारको सुरक्षालाई कमजोर पारेको छ । महिलाको छनौट गर्ने अधिकार खोसिएको र राष्ट्रपतिहरूलाई उनीहरूले पदमा गरेको अपराधको अभियोगबाट व्यापक उन्मुक्ति दिएको ह्वाइट हाउसले बताएको छ ।